O 16 de maio celebramos un Festival para festexar o día grande das Letras Galegas. Diante dun público entregado e colaborador, alumnos e alumnas de ESO e de Bacharelato subiron ao escenario para aportar o seu gran na celebración desta efeméride. Cancións variadas como “Corpiño xeitoso”, “Pousa, Pousa”, “Peixiños do mar”, “Ai vén o maio, maíño, maiolo”; música en directo para interpretar “Se chove, que chova!” e “O son do ar”, lecturas de poemas, breve semblanza de Francisco Fernández del Riego, un número de maxia e unha sorprendente actuación de beat box foron aplaudidas polos asistentes, todos eles alumnos e alumnas de primeiro e segundo de Primaria.

O acto inciouse e pechouse co himno galego, cantado polos alumnos de 3º de ESO, acompañados ao piano por Marga Fontela e á trompeta por Wilson Ortega, ambos os dous profesores de Música no Centro. O grito de “pase de ouro” foi coreado repetidas veces.

O Departamento de Lingua Galega e Literatura quere agradecer o esforzo de todos os que colaboraron na boa realización deste acto, desde os alumnos participantes, pasando polo departamento de Música e o de Comunicación e rematando co marabilloso público asistente e o seu profesorado.

Satisfeitos do resultado, xa estamos pensando nunha segunda edición deste festival!