A semana pasada, os nosos nenos e nenas de 5º de Educación Infantil realizaron unha saída á Granxa Escola Belelle, onde gozaron dunha agradable xornada ao sol e ao aire libre.

Alí realizaron diferentes obradoiros: montaron en poni, fixeron pan, cultivaron na horta e observaron diferentes animais, dende un pavo ata un dromedario!

Neste día tan especial, divertíronse e conviviron cos seus compañeiros nun ambiente distinto, en plena natureza.

Xa para rematar e para lembrar esta saída, os nosos alumnos puideron levar á súa casa unha pranta e un bolo de pan feito por eles mesmos.

Saleta Bolón Canedo

Tutora de 6º de Educación Infantil

O pasado luns, 20 de maio, os máis pequenos celebramos o Día das Letras Galegas, este ano adicado ao escritor Antonio Fraguas, figura que traballamos en tódalas clases.

Este luns quixemos facer unha festa moi especial, convertendo o noso patio nunha romaría tradicional, na que grazas a colaboración das nosas familias, os nenos e nenas puideron degustar produtos propios da nosa terra como queixo, marmelo, larpeiras, rosquillas, filloas, empanadas de todo tipo e pan de diversos lugares da nosa Comunidade Autónoma.

E como nunha romaría non podía faltar a música, neste caso acompañounos unha selección de pezas tradicionais que bailamos e gozamos tódolos nenos e nenas desta etapa xuntos, …