Durante estas semanas, os alumnos e alumnas de 1º de ESO transformáronse en verdadeiras axencias de viaxes na materia de Xeografía. O seu reto: deseñar unha viaxe completa, dende a elección do destino ata a planificación de voos, aloxamento, documentos necesarios e os lugares imprescindibles para visitar.
Con moita creatividade e dedicación, investigaron, compararon opcións e prepararon itinerarios detallados, poñendo a proba as súas habilidades organizativas e de resolución de problemas.
Se aínda non tedes decidido o voso destino para Semana Santa, quizais as súas propostas vos sirvan de inspiración!
Tutora de 1º de ESO, Profesora de Xeografía e Historia.
