O 15 de maio pola mañá celebrouse o II Festival das Letras Galegas, o acto estrela dentro da celebración da Semana das Letras Galegas 2024. No festival participaron alumnos dos catro cursos de ESO e algúns de 1º de Bacharelato.

Durante máis de hora e media de espectáculo, que iniciou e rematou co himno galego acompañado da música propiciada por instrumentos como trompeta, baixo, violín e piano; os alumnos de 1º e 2º de Educación Primaria, como público asistente, escoitaron a recitación de poemas de Luísa Villalta, Rosalía de Castro e a letra dunha canción do grupo Ulex, unha actuación do Mago Luis, que soubo meterse á rapazada nos petos e gran variedade de actuacións musicais acompañañadas en moitos casos de baile tradicional e pandeiretas (maxestuosas as tres ou coreografías adaptadas).

A interpretación de cancións de Tanxugueiras (“Terra”, “Aire”), Fillas de Cassandra (“Eco”), Baiuca (“Morriña)”, Verto (“Muiñeira de Chantada”), Luar na lubre (“Chove en Santiago”), Brais das Hortas (“Santa Compaña 2.0”), Andrés Dobarro (“O tren”) ou a popular “Ondiñas veñen” encheron o salón de actos do centro dunha festa homenaxe á lingua galega e a súa cultura.

Pola tarde a Banda de Música do CAMP Liceo La Paz ofreciu un concerto a tódolos nenos e nenas de Infantil e Primaria que contou coa colaboración das actividades extraescolares de Baile e Música Tradicional e Pandeireta. Disfrutamos dunha sesión de música e baile

Dende o EDLG do centro e o Departamento de Lingua Galega queremos agradecer a todos os alumnos participantes a súa entrega e dedicación ao festival, así como a inestimable colaboración do Departamento de Música de ESO, pois a boa man de Raquel Iglesias, na preparación e posta en escena da maior parte das actuacións musicais, e a trompeta do profesor Wilson Ortega fixéronse notar e aportaron calidade ao espectáculo que xa en moitos casos estaba xa conseguida. Tamén queremos agradecer á profesora Mónica Naveira o préstamo dos traxes tradicionais ás nosas bailarinas de 2º ESO.

Parabéns a todas e todos os participantes nesta edición!

Desde este momento, aínda cos ecos nos nosos oídos das actuacións apenas escoitadas e visionadas, toca pensar na próxima edición do festival.

Departamento de Lingua e Literatura Galegas