Os días 23 e 24 de febreiro desenvolvéronse en Culleredo, no Centro Residencial Docente, os debates correspondentes ó torneo de Parlamento Xove 2018, organizado pola Xunta de Galicia, no que participan centros de toda a nosa comunidade.
O noso equipo de ESO, que pertence á actividade extraescolar Club de Debate, estivo formado polos seguintes alumnos: Elena Garrido Martínez, Carla González Roca e Tomás Vázquez Montes de 4º da ESO e Alejandro Rouco Fernández de 3º da ESO.
O tema proposto era: “A educación ambiental nos centros educativos, ¿significaría evitar incendios como os acaecidos en outubro de 2017 en Galicia?”
O noso equipo tivo que defender a postura “en contra” en dúas ocasións e “a favor” no debate restante. Aínda que o fixeron francamente ben, argumentando correctamente a súa postura e refutando axeitadamente a do equipo contrario, non conseguiron pasar á seguinte fase, que se desenvolverá no mes de abril en Santiago. A pesar diso, a actividade resultou moi positiva, xa que, ademais de seguir mellorando a súa formación como oradores, tiveron a posibilidade de relacionarse con xente da súa idade doutros centros de Galicia.
No próximos días 1 e 2 de marzo acudirá o noso equipo de 1º de Bacharelato. Esperamos que eles teñan máis sorte.
Coordinadora de la Actividad de Debate y jefa del Departamento de Lengua Castellana.